Malesia Malsia Official Website

Free Web Hosting Provider - Web Hosting - E-commerce - High Speed Internet - Free Web Page

English

RUBRIKAT

Malesia
Chat
VoiceChat
Muzike-Live
Muzike
Humor
Galeria
Reklame
Download
Nickserv
Operatoret
MalesiaMirc
Letrat nga ju
Monella
Horoskopi
Kontakt
WebMaster

MEDIE

Kosovapress
Albanian Daily
Koha Jone
Revista Klan
Zeri i Popullit
Radio21
RTP
KCC
Montenegro
XXL
CNN
NY Times
USA Today
Washingtonp.
Time
Focus
Le Monde
C. della Sera
Reuters
El Pais
ATSH
Radio Tirana
R.Deutche W.
Radio BBC
R. Zeri i Amer.
Koha Ditore
RilindjaDemok.
Radio Kontakt
TV Shijak
Gazeta Republ.
Balli i Kombit
Zeri i Kosoves

SPORT

FIFA
UEFA
ESPN
NBA
FIBA
Euroleague
CBS
SportsCentral
Formula-1

MUZIKE

MTV
EuroMTV
Music.com
FranceMusic
MusicSearch
IntTV
Mp3

_____________________________________________________________

Shqipëria fiton ndeshjen e ashpër me kritikët e saj në Europë

Leverkuzen-Gjermani: Gjermani - Shqiperi 2:1

Shqipëria ka fituar dje mrekullisht ndeshjen e ashpër me
kritikët e saj në Europë. Kanë qenë mijëra shqiptarë, që në sy të vëzhguesve të rreptë deri skeptik dhjetëvjeçar, kanë treguar se ne nuk jemi më ata që duhet të shahemi, ata që nuk zbatojmë rregullat dhe standartet e Europës, ata që mbushin kronikat e këqija të gazetave plaka të stërvitura me servirjen e së keqes për të vegjëlit.

Kemi demonstruar dje në zemër të Europës se jemi qytetarë të mirë europianë, kemi përparuar me shpirt nëpër dhëmbë, sakrifica pa masë, kudo, pra edhe në sport, nuk kemi vjedhur më të drejtat televizive pasi një prej kanaleve private kombëtare, TV Klan, pagoi para pa masë, duke plotësuar trinomin e dinjitetit që vendosi dje përfundimisht rezultatin 3-0 në favorin tonë kundër kritikëve tanë.

14 shqiptarë në një fushë futbolli dhe mbi 12 mijë të tjerë në një arenë të huaj, kanë dhënë dje shfaqjen më dinjitoze të përparimit (futbollistët e ekipit kombëtar shqiptar), qytetarisë e komunitetit civil (12 mijë shqiptarët nga Shqipëria dhe gjithë Europa).

Aq domethënëse ishte kjo, sa zëri i ngritur - karakteristik genetike e çdo shqiptari - dje kishte motivin më të fortë për të konfirmuar: Po! Ne jemi ata shqiptarët e Ballkanit! Ne jemi ata shqiptarët e Ballkanit të denjë për Europën, në çdo gjë; në qytetari, rregull, respekt, kulturë dhe së fundi, edhe në sport.

Dje, në Leverkusen të Gjermanisë, jemi shfaqur në sy të qytetarëve të Europës kuq e zi, por të barabartë me ta, të denjë edhe ne për standartin e tyre.

Sepse, mbërritëm në Gjermani që prej 48 orësh deri 4 orë para ndeshjes, duke respektuar rregullat e lëvizjes së lirë në Europë, madje, edhe ato të vështirat deri diku të papërtypshme për "ekstrakomunitarët" - siç na përthërrasin - të identifikuar jo thjesht nga një pasaportë e Republikës së Shqipërisë me vizë europiane, por edhe nga rroba, ngjyra dhe flamuri i kombit.

Nuk ishim pak, plot 12 mijë vetë. Nuk fyem kërkënd, nuk thyem një xham, nuk u përleshëm me ultrasit kundërshtarë gjermanë, kënduam himnim tonë, respektuam himnim e mikpritësve, nuk shkaktuam as incidentin më të vogël në një arenë ku kishte mbi 22 mijë njerëz, të gjithë nën ndikimin e emocioneve të forta.

Këtë e bëmë ne, shqiptarët e Ballkanit, si askush tjetër nga ky rajon, madje duke bërë diferencën edhe me ata që Europa kritike u zgjat dorën vazhdimisht. Gjermanët të paktën tashmë e dinë se cilët janë shqiptarët.

Kjo ishte e para. Sepse të tjerat ndodhen në fushë. 11 "luanë shqiptarë" kanë bërë dallim nga tre herë kampionët e botës thjesht nga ngjyra e bluzës - siç kryebashkiaku i Tiranës citoi mbrëmë kampionin e madh gjerman Jurgen Kohler. Kemi luajtur shumë, mbase si asnjëherë tjetër, kemi pësuar gol por kemi barazuar me një supergol. Për fat të keq, kur gjithshka po ndahej ashtu siç qe luajtur loja, arbitri, një italian i ndershëm, bëri çudinë, për të cilën në Itali, do ta kishin fshirë nga skerma me emrat e njerëzve që gjykojnë ndeshjet qindramilionëshe të "serisë A".

Geri Çipi, më i miri i shqiptarëve në fushë, prej minutash po e ndjente që do të mbyllej kështu. Nga ekrani, në katër raste, pamë qendërmbrojtësin shqiptar të ulërinte në drejtim të arbitrit anësor që e ngrinte flamurin me besimin për të gjetur rastin kur s’duhet ta bënte më këtë. Dhe e gjeti në mënyrën më të pashembullt, më të hapur turpësisht, kur 4 gjermanë dhe një i pestë që mori topin, në mënyrë të pabesueshme edhe nga ata vetë, bënë një gol që turpësisht u njoh si i tillë.

Megjithatë, shqiptarët nuk protestuan, respektuan vendimin e tij. Pranuan të ulin kokën dhe të vuajnë dëshpërimin e tyre.

Muaj më parë, pas një ndeshjeje mes Francës dhe Portugalisë, kam dëgjuar "Topin e Artë të Europës" Luis Figo të fliste për një trafik të turpshëm në dëm të skuadrave të vogla dhe në favor të skuadrave të mëdha. Dje, kampioni u bë vërtet i besueshëm.

Gjyqtari italian u dhuroi gjermanëve atë që s’e meritonin në fushë, por e meritonin se ishin të mëdhenj.

Kjo ndodhi thjesht me një ndeshje futbolli. Urojmë që të mos ndodhë më me gjerat e tjera më serioze të Europës së Bashkuar, me marrëdhëniet mes nesh dhe tyre.

Dje, ne humbëm një ndeshje futbolli, por fituam në mënyrë të thellë ndeshjen me kritikët e Europës.

Pas kësaj, anglezët që do të zbresin të mërkurën në Tiranë, do të kenë parasysh më mirë se kanë përballë, në një vend të Europës, 11 shqiptarë që nuk luajnë thjesht për gol, por për dinjitetin e popullit të tyre në Europë.

Rudi Fëler e Berti Vogst paralajmëruan dhe i përsëritën vetes pikërisht këtë, dy ditë para ndeshjes së djeshme. Nuk kishin bërë gabim.

Michael Jordan planifikon të kthehet në NBA

Nëse besohet raporti në numrin e kësaj jave të revistës "Sports Illustrated", Liga "NBA" nuk do të ketë nevojë edhe gjatë kohë të brengoset për rënien e rejtingut të saj ose për interesimin e dobët që ka publiku për të.
Në numrin e ri të revistës, i cili del më 19 mars të këtij viti, citohet një burim i afërt me legjendën e basketbollit Michael Jordan, se ai - pronar aktual i ekipit "Washington Wizards", është "90 për qind i bindur" që të kthehet në stinorin e ardhshëm dhe të luajë për ekipin e tij.
Për ta realizuar kthimin e tij, Jordani do të duhet të heqë dorë nga pronësia e tij, gjegjësisht nga aksionet që i ka në klub, pasi që ajo është kundër rregullave të NBA-së që një lojtar të jetë edhe pronar i ndonjë ekipi.
Një hap i tillë nuk do të jetë i paparashikueshëm. Në vitin 1996, Magic Johnson hoqi dorë nga pjesa e tij e pronësisë në Los Angeles Lakers, për të bërë një kthim të shkurtër si lojtar i atij klubi.
Raporti, ku thuhet se Jordani do të mund të kthehet, për të ndihmuar krijimin e një ekipe më të mirë, po ashtu thotë se edhe Charles Barkley planifikon të kthehet nga pensioni dhe të luajë së bashku me shokun e tij të mirë, Jordanin.
Jordan nuk iu është përgjigjur paraqitjeve telefonike nga "Sports Illustrated". Barkley pa i përgënjeshtruar thashethemet tha: "Do të jenë të nevojshme kushte të jashtëzakonshme që të më kthejnë nga pensioni".
38 vjeçari Jordan, nga basketbolli është tërhequr në vitin 1998, pas marrjes së kampionatit të gjashtë të ekipit "Chicago Bulls" brenda 8 stinorëve.
Karrierën e tij e përfundoi në mënyrë të jashtëzakonshme, duke shënuar pikat e fundit dhe duke korrë fitore kundër ekipit "Utah Jazz" në ndeshjen tejet dramatike dhe vendimtare të Finales së vitit 1998.

Malesia-Team

26-03-2001

Gjekë Dushaj
"Mos Lëndo"